西門子洗衣乾衣機 WD14S4B5BU (黑色飛頂版) 開箱

經歷多次DIY維修,使用咗12年的西門子洗衣乾衣機 WD12D460HK,最近因為有幾樣野壞咗,例如乾衣F18、水泵響和避震彈跳,無辦法再DIY維修下去,決定花5329元購買一台全新的黑色飛頂版,西門子洗衣乾衣機 WD14S4B5BU,解決了煩惱。

泊 L 位心得

邊種位大家應為難泊的呢??

當然 S 位 最難泊S 位仲最易撞添,有人泊 S 位 真係聽聲停(撞到先停),親眼見過先知原來有人咁變態。
人肉後波雷達
肉後波雷達 (圖片來源: 大眾汽車)

我又見過有人給前後車夾實出唔到 S位,被迫將前面架車撞開才能駛走...
唉,如果無乜必要,真係少 泊 S 位為妙。

給前後車夾實出唔到 S位,被迫將前面架車撞開才能駛走

學車果陣泊 S 位 ,架車同地下有晒標記,所以 S 位 好似好易泊,但實際街上唔會安裝呢種標記,商場內又以 L位 居多,所以有些新牌就唔識泊車。
商場內又以 L位 居多

L 位其實最容易泊,其實有 marking 可遁,點都好過泊 S 位。S 位我唔知有無 marking,只可睇住地下和前後兩車扭來扭去。

---Ads
---

L 位心得

去到 L 位,先留意以下事項:

車位闊度是否足夠容納自己車身,旁邊的 車有沒有泊到過界「咩」埋一邊 (如下圖的黑色車),是否有足夠空間開門落車。

私家車泊過界 的士司機神技術「零距離」泊車獲激讚:高手在民間
私家車越界停泊,令左邊的車位變得狹窄(圖片來源 hk01.com , fb「馬路的事討論區」)

L 位後方及兩旁有無凸出的雜物,例如 咪錶、鐵柱、鐵架、鐵絲網、欄杆樹木、樓梯、石級、階磚、牆角、石頭、坑渠、水管、消防喉、大門出入口、手推車、行人 之類會頂車尾,車肚和車門的危害物。

旁邊車是否重型車、貨 van、貨車、小巴、的士、殘舊爛車、飛仔車、單門跑車 之類易導致撞門 或 刮花車身,最好避之則吉這類車的
門比較高大和重,門要開得大大才能上落,容易衝撞你的車身。

泊在兩旁大車中間,車位狹窄,出入困難

貨 van、貨車又會用手推車上落貨,而且司機通常無咁錫車,揩揩碰碰對他們來講好少事。

貨車用手推車上落貨,容易撞花車門
貨van司機做開門L,撞完一下又一下 (圖片來源 車cam - 香港制造)

如泊高身七人車,睇清楚天花有無石屎凸出物、光管、水渠、騎樓之類的牆後凸出物,因為雷達掃唔到高處位置

天花有無殘舊可能墮下之光管、石屎 裂縫、批盪、屎渠滴水 或 喉管上邊有雀仔,都可免則免
天花冧石屎撞花車身
天花冧石屎撞花車身 (圖片來源: 東方日報)

⑥ 泊車的地方若是斜坡的話,泊車時要留意不要泊得太接近其他車。因為路面傾斜向下一方的那邊車門,一旦打開時,車門會受地心吸力影响而自動張開到盡,通常乘客落車或上車時,沒有這種
斜坡上落車經驗,沒有用力捉緊車門,很易一開車門就甩手,整個車門自動向斜坡下面掉下去,車門就狠狠敲到旁邊車輛的車身,無辜做了開門L。

泊車的地方若是斜坡的話,泊車時要留意不要泊得太接近其他車


泊 L位 步驟 :

假設現在要泊進左邊的 L位,而 L位 兩旁都有車。

L 位 的 Marking ,是利用左邊人地個車頭泵把嘅右上角做指標,你用左邊鏡睇住人哋個車頭,挨住佢咁後彎入去。

同時留意自己車頭右邊,小心向右掃到其他車呀、柱呀、人呀之類。

彎到咁上吓睇返右邊鏡,夠位就直後,唔夠位最好唔好搏,先停下。
建議裝個後波雷達,它應付這情況十分有效,有咗佢一定唔會撞到右後方車頭左角都唔知。

厘個右後方車頭左角既距離係好難用眼判斷,尤其當環境陰暗時。不用落車睇位,總之一句唔好貪快搏佢唔撞,就唔會有事。

除了使用後波雷達,你還可以留意車尾燈影的變化來評估跟後面硬物的距離。
汽車工程師設計的車尾燈除了用作指示和照明外,它射出的燈影闊度,在黑暗時可以用來測距,方便泊車。

---Advertisement
---

當你車尾移近硬物時,投射於後方硬物或牆壁上的燈影便會不斷收細,當收細到某個範圍,便會跟硬物非常接近,當燈影細到不見了,代表硬物跟你的車尾幾乎碰在一起,這時尾燈的強光剛好透不到地面或四週。

所以倒後時,留意後方及地面的燈影變化,可以防止碰撞。

將車向右扭再駛前,直至右邊鏡見到右後方車頭左角少許,睇返左邊鏡車尾要與左邊車保持一致距離,留意唔好撞到對方倒後鏡,然後慢慢直後。

如對車尾環境不肯定,例如泊爛地場,最好先落車行去車尾望清楚,不要貪快一野隊埋去,咁好易撞石、撞鐵柱、甚至跌落斜波、坑渠。

泊 L位 有樣嘢新牌要警覺:

切勿泊到 「咩」 埋一邊,貼近別人的車輛,若然因此導致旁邊車的司機無法開門上車的話,閣下的座駕有很大機會被人用硬物刮花車身,作為忿怒的回敬。

切勿懶醒咁,將車尾泊到貼牆,一隻手指位都無,唔俾人行過,諗住技驚四座,威震全場。

咁樣視乎情況,例如當有其他車泊到你車身旁邊,但咁啱車位是單邊位兼有條柱阻住,車上司機落車後發現右邊有柱行唔出,左邊又挨貼牆出唔到,諗住經你車尾行出來點知又一條罅都無又出唔到,他可能因為感到難堪,就會用硬物遷怒於你貼牆的車尾,留下抗議長痕。
我以前都好鍾意學人泊貼牆,但見過有人架車慘遭毒手,已經無再咁做,留人一條生路比較好。

若你車尾泊貼牆,其他司機不能通過,他易發怒用硬物刮花你車尾


究竟扭出架車成45度方法咁入,係有乜竅門呢?

師傅教泊 L位 的方法係,將車駛前目標 L 位約個半車位後,扭盡左軚 L字入。
但如果泊到埋去,才見架車前得滯 或 後得滯,會撞到左右兩邊車時,就只能將架車重新駛出再試過,咁樣泊法係會阻住人,自己壓力又大。

其實最強嘅師傅教落,唔好成日諗住 formula (公式),次次泊車環境位置都唔同,要學吓憑眼晴去觀察及感覺 後轆在地面走的軌跡。
其他人見個位唔夠,會扭出架車然後成45度入,扭出45度角嘅目的,是為了令側鏡看清楚泊位,瞄準倒後更快捷,十拿九穩入到位。


而完全 L 的泊法,側鏡是看不清楚泊位,要後彎到咁上下先見到條尾入唔入到,入唔到的話,好多時要成架車出返嚟,再嚟過。

---Ads
---

45 度泊法實質唔一定 45 度,你渣架車埋去 L 位時,要開始評估尾轆在後面的位置及方向,當差不多抵達 L 位的邊沿時要減慢,並估計你扭 45 度角多少才能令尾轆的方向對準 L 位。


換句話說,只要你能預估到尾轆位置及指向,你便能把車輛的尾巴 扭動若干角度之後停下,你的車尾已差不多瞄準那 L 位,只是直後加少許彎便順利入位了。


你能扭多少角度視乎 L 位對面的車有多近,若很近的話便扭不了多少角度,情況便跟完全 L 泊法一樣。


泊 L 位不用成個頭擰去後面,睇鏡就得。若果唔留意車頭,
好易車頭掃到野都唔知。

倒車果陣,記住千祈唔好死望住後面,要不斷掃視車的四角,避免撞到野都唔知。



holidaydriver pic


作者: holidaydriver
發佈日期: 2010-07-24
更新日期: 2022-05-23

留言

Wong Fat Yeung說…
多謝分享!請問大哥你泊S位時會用甚麼做reference?
例如:
1 你會點量度併排時兩車嘅距離?你自己平時會大約預幾多?
2 你會先用後門窗角對隔離車身尾燈?(後車位置平衡)
3 然後扭45度時你會用甚麼做reference先知夠斜入?(師傅教睇要泊個個位地線嘅後內角,但出面好多街位都未必有線)
4 哩個我最唔掌握到:就係45度斜直入個位,點知幾時入夠?師傅教睇外後輪踩到條外線就扭盡另一邊軚入,但如果無線,光線唔充足,哩個方法係用唔到的,我上網見有啲人教話望另一邊(左邊)窗,當前面架車個車牌去到大概窗嘅中間位置,就扭入去。我自己試來試去,啲位都唔啱,因為要做幾樣野(後車位置平衡,45度,夠位扭入)如果是但一樣做得唔啱,都會影響其他步驟,好難可以知道邊個步驟其實做得啱,邊個唔啱出問題。

你有無多少少心得可以分享下?非常感謝!!
1. 好難講要預幾多距離,因為S位通常前後都有車,咁前面架車係大定係細,或者佢泊得好定唔好,會影響你將車駛埋去的距離。我記得學車時阿Sir教過應付不同距離的方法,距離大小是決定倒後時開始扭軚的時機,不過這些formula 我早就忘記了,出到街又需要另一種方法。
2. 不需要跟後車平衡的,主要原因是你將車擺斜時,後面的車就知你要泊位,佢地通常不會爬頭,也不會爭位,會乖乖留在後面等你泊入去。如果停得太平衡,佢會以為你停低,佢地通常就會立即爬頭,到時佢就會阻住你泊車。唔好彩仲會俾機會佢攝咗個車頭入去個位度,你就無得泊。至於停係邊個位,要視乎你架車是甚麼款式,有尾跟無尾又不同,大車小車又不同,不同款的車,其窗位柱位也不同,所以formula立即無效了。
3. formula 無效的另一原因是街上無線,即使有線,前後車泊得前咗,或後咗也有影响。問題是街上的車通常不會泊在車位正中,睇線好易撞。我上網睇過其他人的reference,每個人也不同,相信是跟車身長度,寬度,車輪軸距,司機位置有關,不能一概而論,你可以自己找合適的reference。通常右鏡若能看見後車的左角,角度就差不多。
4. 下次你在泊位駛出來的時候,當車頭左角剛好跟前車尾右角重叠時,你將車停下,用右鏡看一下車尾對準了後車的那個位置,那個就是你倒後時差不多巳經回盡軚的時候,真正回軚的時機會比這個位置再提前少許。然後,你可以把車慢慢駛出來,當你把軚回直時,再停下來,記低自己車對應前車和後車的相應位置,這個位置應該就是所謂45度直後到差不多要扭軚的時機。然後,再把車駛前到跟前車平衡停下,然後跟剛才駛出時做的動作倒轉做一次,看看能不能順利泊回去。

此網誌的熱門文章

ELLE 行李箱維修

轉換行車線心得