西門子洗衣乾衣機 WD14S4B5BU (黑色飛頂版) 開箱
經歷多次DIY維修，使用咗12年的西門子洗衣乾衣機 WD12D460HK，最近因為有幾樣野壞咗，例如乾衣F18、水泵響和避震彈跳，無辦法再DIY維修下去，決定花5329元購買一台全新的黑色飛頂版，西門子洗衣乾衣機 WD14S4B5BU，解決了煩惱。
電腦遊戲「 DIRT 2 」- 克羅地亞 CROATIA MALI ALAN PASS 賽道，個人最快紀錄是 3:05.93
克羅地亞 CROATIA MALI ALAN PASS 賽道，個人最快紀錄是 3:05.93
自從個人飛車片段上載至 Youtube後，有外國人點擊觀看並留言，真係好興奮....就係呢條克羅地亞 CROATIA MALI ALAN PASS 賽道，個人最快紀錄是 3:05.93，都算渣得幾靚仔。
世界排名暫於 931位 ，而我朋友的父子車隊則排名九萬幾....。(480p )
Morocco Ounila Descent 賽道上做出成績 2:50.95
另一條片係我最鍾意渣的 Trailblazer (越野車)，駕駛 Impreza STI Group N 在最高速飄移的摩洛哥 Morocco Ounila Descent 賽道上做出成績 2:50.95 。
---Advertisement
---
世界排名本來12xx.... 但現巳下跌到13xx。
好多人渣 Dallenbach Special 這架超級賽車攝上位，佢係一架 Formula One 越野版賽車，Impreza 根本無可能快得過佢。(480p)
飄移技巧
對於我來講，四個轆滑潺潺甩來甩去叫「飄移」的飛車技巧，我一向也不懂，我只懂拉手掣讓車子甩尾，然後失去控制...
坊間自從流行咗飄移呢種玩意，很多電腦遊戲也加入了飄移比賽項目。我最先接觸到飄移，是玩 Codemasters 「GRID」。
我已經很努力在裡面學習飄移，奈何除了感到頭暈、不停咁冼呔和撞車外，還有就是無法過關。
越野賽車在山路鬥快，很多時需要飄移，不論你想飄還是不想飄，那架車老是滑潺潺咁左搖右擺....
你想佢飄，佢飄唔郁，你唔想佢飄，佢就飄到飛咗去...
DIRT 2 就好親民，只要難度設定為最容易的"Serious"，即使不懂飄移，甚至一味靠撞，仍可以輕鬆奪冠過關。
但當設定至最高難度的"Hardcore"時，想攞冠軍就變得非常困難，你必須要真正懂得飄移，才能有機會勝出。
我很喜歡駕駛 Trailblazer，它最有速度感，夠狂野，但它快起來卻不容許車手有丁點錯誤。
為了玩熟摩洛哥這條路，我學「頭文字D」 主角「托海」的鍛練方法，就是不停咁渣呢條路。
由好慢咁跑，到越渣越快，快到開始自然地冼呔。
冼吓冼吓，開始感受到車子速度和路面摩擦力，慢慢就加埋拉手掣呢種方式，學著用飄移高速過彎...不過依然未夠快。
托海每天渣車幫爸爸送豆腐，電影說他飄移後豆腐仍沒有散開，水也沒有潑瀉....
本來我不太相信會有這個可能，但當我努力挑戰自己最快時間之際，發覺只有做到順滑完美的飄移，速度可以最快而且車身仍很穩定。
就好似溜冰一樣，或者好似一條魚咁，冼吓冼吓，游吓游吓，轉彎同時保持速度。
---Advertisement
---
要做到順滑，必須要對每個彎位的弧度和出彎的角度很清楚，當飄移後車頭剛好瞄準出彎角度，咁就係最正。
尤其係做到毋需反幾手軚救車，無需撩來撩去，豆腐就唔會散。
作者: holidaydriver
發佈日期: 2011-03-11
更新日期: 2023-09-11
此網誌的熱門文章
ELLE 行李箱維修
諗住去旅行，點知個 ELLE 行李箱四個滑輪軟膠部份完全破爛，無法在地上拖行，需找代理搶修更換輪子。 在網上尋找這家 Elle 維修中心地址並不容易，花了近半小時左找右找，終於在留言中找到。
Fishing Planet (釣魚星球) - 入門經驗分享，完全免費的釣魚遊戲，可連線與朋友一起享受釣魚樂趣
一款網上旱見，完全免費，不用課金都可以玩到上頂級的遊戲 Fishing Planet (釣魚星球)，吸引我和朋友一起玩了很多個晝夜。我玩了一千小時達到了 Level 50， 我朋友更沉迷，他玩了三千小時，達到 Level 80。 (遊戲目前上限也是Level 80) 。
應付「無理解僱」心得 - 勞工處/勞資審裁處 填寫「口供」技巧，勝算分析與戰略
有網友遇到「無理解僱」，想我幫手解答一下關於 「申索過程」 和 「勝算方面」 問題。 我有機會瞭解過幾位網友的遭遇，想把經驗在這裡同大家分享。
廁所水箱漏水 Fluidmaster 400 model (福馬牌400 進水器)
屋企若發生水浸，多數係廁所水洩漏造成。 之前廁所水箱試過漏水，成個廁所濕晒，好彩無浸出廳。新業主通 常 不會檢查廁所 個 水箱 ， 隔離屋廁所水箱漏水，浸咗佢成間屋。
留言