西門子洗衣乾衣機 WD14S4B5BU (黑色飛頂版) 開箱

經歷多次DIY維修,使用咗12年的西門子洗衣乾衣機 WD12D460HK,最近因為有幾樣野壞咗,例如乾衣F18、水泵響和避震彈跳,無辦法再DIY維修下去,決定花5329元購買一台全新的黑色飛頂版,西門子洗衣乾衣機 WD14S4B5BU,解決了煩惱。

ELLE 行李箱維修

諗住去旅行,點知個 ELLE 行李箱四個滑輪軟膠部份完全破爛,無法在地上拖行,需找代理搶修更換輪子。
在網上尋找這家 Elle 維修中心地址並不容易,花了近半小時左找右找,終於在留言中找到。

ELLE 行李箱維修

如今我也幫手貼一下這家叫「創通有限公司的維修中心地址:

香港 荃灣 德士古道 220-248號 荃灣工業中心A座 20樓 2007室 
(文章尾段有Google地圖顯示地點)

預約及查詢電話 (852) 2408-8785
Whatsapp No. 56169849


維修營業時間如下:
星期一至四 : 9:00am - 1:00pm
星期五, 六  : 9:00am - 5:00pm (午飯時間:1:00pm - 2:00pm)
星期日及公眾假期休息

前往維修中心之前,請先打電話Whatsapp給林師傅問一下,確定他在公司才好拖篋上去


創通有限公司,ELLE 行李箱的維修中心地址
維修中心咭片

這家公司還會理 Polo Pierre Riche及 Dunlop行李箱,如有需要可致電查詢。

每修理一個轆,材料連人工收費50元,總共洗咗兩百元(2015年價)。現場所見,維修部由一位技師負責,因此中午食飯時間會休息。
維修費用詳情可參考下圖咭片背後資料,或致電師傅查詢。

維修零件收費表
維修零件收費表

感覺上收費算合理,師傅指若客戶自行到淘寶買輪子維修,雖消費較平,但所購輪子未必能夠匹配,加上現場所見,要把原來輪子拆出來需要強力剪鉗,安裝新輪子亦需機器幫手,客戶自己未必搞得掂。

---Ads
---

師傅用圖中的灰色speaker phone接聽客戶查詢
維修的工作台,師傅用圖中的灰色speaker phone接聽客戶查詢

當你遇上輪子出現問題,例如輪子轉動不暢順,輪子轉向困難等,可嘗試DIY 自行維修。
當日有一對夫婦拉著行李箱到來,師傅檢查後發現輪子轉動不暢順,他拿出一瓶 WD40 潤滑防鏽劑向輪子噴了幾下,輪子立即回復正常。WD40 可在五金舖或超市買到,有大中細瓶裝。注意避免把WD40噴向滑輪軟膠部份,怕會令軟膠硬化破裂。
我的輪子之所以全部破裂,是因我多手用酒精替它清潔和消毒,豈料造成輪子軟膠部份硬化破裂。

用於行李箱車輪潤滑,改善拖動不順或噪音問題
WD40 潤滑劑

若輪子轉向不暢,可用WD40 在軸心噴一下。如發覺輪子有毛髮或雜物纏繞,需用手清理。
需抹乾溢出的多餘液体,以免對軟膠造成影響。
若輪子轉向不暢,可用WD40 在軸心噴一下

可用剪刀或界刀把纏繞的毛髮剪斷後,再用手拔走。

噴 WD40後 用手把輪子轉動測試是否有改善
噴 WD40後 用手把輪子轉動測試是否有改善

前往維修中心,可按以下連結打開 Google 地圖
荃灣工業中心地圖


荃灣工業中心
若駕車前來,可泊在附近的爛地停車場

荃灣工業中心正門
大廈正門,入門後建議乘搭左手邊的電梯上樓,因右手邊的電梯上樓後地形十分複雜,比較難找。

紅色門直出就是維修部門口
若從左邊電梯上樓,在紅色門直出就是維修部門口,不必左轉右轉。

創通有限公司的維修中心門口
維修部門口很隱蔽,不易找到,若有其他客一齊乘電梯上來,大家就要鬥快找到這度門,因為誰先找到,誰就先整

---Ads
---

交通方面,若駕車前來,可在附近爛地場泊低行過來(2015年訊息),距離很近。
若要泊室內,則要行得比較遠。

若乘巴士,可在美孚地鐵站乘九巴 238X 過來,只需一個站就到達,巴士站剛好在荃灣工業中心拖住o急來仍很方便
九巴 238X


若乘綠色專線小巴,可在大窩口地鐵站乘 401號,小巴站同樣荃灣工業中心


綠色專線小巴 401


亦可在青衣城巴士總站乘 310M 綠色專線小巴,小巴站同樣荃灣工業中心
綠色專線小巴 310M

希望文章能幫到大家,祝各位旅途愉快。


作者: holidaydriver
發佈日期: 2015-01-31
更新日期: 2019-05-08


ELLE
行李箱維修中心

創通有限公司
行李箱維修中心
Service Center
+852-2408-8785

Whatsapp:5616-9849
德士古道 220-248號 荃灣工業中心A座 20樓 2007室
荃灣
香港
N 22° 36.5039
E 114° 11.5659
荃灣工業中心地圖

留言

匿名說…
太好啦你POST了這公司咭片,我去旅行個手挽俾人掉爆><!!
自從post咗呢篇文章,每日都有人睇,相信好多人都去咗揾佢幫手修理。
匿名說…
thanks for your information!! C:
Chan說…
thank you very much, I have contacted them this morning and will bring my baggage for repair soon :)
匿名說…
在網上找了很久也找不到維修部的資料,有你這詳細而有用的資料,就容易得多了,謝謝你。
Unknown說…
多謝你的information, 非常有用
Unknown說…
今天剛去過, 師傅超好! 我因為塞車, 趕不了5點前到, 我打電話過去問如果仍未關門的話可不可以我先放下行李箱, 修好再回來領取. 他竟然說今天可以等到5:45pm! 最後只用了差不多5分鐘, 就幫我把行李箱的輪子換好, 即時可以取回. 而且師傅態度很好, 雖然地點有點難找, 但這次的維修我非常滿意!
匿名說…
thank you very much
聽樓上讚師傅好人,我也覺得抵讚。
師傅知道大家都趕住上飛机,所以拿拿聲整好。
我見維修部堆了很多整好待領的行李箱,多到堆叠到上天花板,走廊更加滿地都係,我沒有貼出來,所以沒讓大家看到。有可能師傅也不想太多客人留下行李箱吧。
匿名說…
感謝提供如此詳盡的資料, 非常有用, 謝謝!
匿名說…
好專業的維修 沒有亂收費 應修得收修能夠整好我把鎖、沒有亂開天殺價 感謝 替我 維修好個喼!
匿名說…
好專業的維修 沒有亂收費 應修得收修能夠整好我把鎖、沒有亂開天殺價 感謝 替我 維修好個喼!
khlee說…
這個師父非常專業,维修快捷,收費應該全港最平,如要维修行李喼一定要到這間,我換行李喼辘4個,5分鐘完成。👍👍👍💯
感謝你的意見。
請問你的意思是不是除了 ELLE,師傅還會修其他牌子的行李箱?
可否回覆一下,謝謝您。
匿名說…
Just connected c fu. They said they can fix ELLE, DUNLOP, POLO PIERRE RICHE
匿名說…
非常感謝你提供詳細的資料,師傅很好人,很快解決了我的問題。師傅是會修其他牌子的行李箱的☺
匿名說…
請問係咪一定要好似卡片上要預約<¥>
謝謝通知,相信師傅有能力修其他牌子。
我上去時也沒有預約,但上去前打個電話,確定他有開工也是好的。
Unknown說…
請問,一個輪爛了,是是要四個一齊換?
是 A一merican Tourist 牌
只需要修理損壞那個輪,沒壞的輪不需要換吧。除非它們也損耗得差不多,旅途中很可能會發生同樣故障,這樣換埋也無妨。建議你叫師傅評估一下,他應能給你建議。
匿名說…
多謝分享。
匿名說…
打電話去無人聽, 重有無做??
如果大家發現搬咗或無做,勞煩通知我一下呀!
匿名說…
創通有限公司行李箱維修中心營業時間如下:
星期一至星期四:9:00am - 1:00pm
星期五及星期六:9:00am - 5:00pm (午飯時間:1:00pm - 2:00pm)
星期日及公眾假期休息

更新日期: 2018年7月24日
匿名說…
師父仲有做呀,大家放心,早排去旅行個喼手柄突然斷左,以為成個喼唔駛再要,無咩期望之下search見到呢個blog,咁岩我個喼係呢幾個牌子,番到來香港即係whatsapp問下,佢地好好一到辦公時間即刻會覆,提下大家問既時候詳細形容邊度損毀,提供相片同埋牌子,感覺佢地係好真心咁想同大家盡量整番個喼,所以希望大家都以禮相待。不過都提下大家上去之前都最好俾過電話師父,因為佢話有時都要出去做野,所以最好confirm佢係度先上去。今次我上到去一如上面大家咁講,師父好好人,做到盡量就做,好似我咁問佢可唔可以換一條堅固d既手柄,師父都即刻搵零件去試,無奈我個牌子唔岩位,都係要配番原本果條,師父整緊果陣仲教埋我下次點換條手柄,話唔駛我下下拎個喼上來咁辛苦,所以佢仲配多一條spare俾我下次有咩事都可以自己換,感覺佢係用心咁同每個客人去維修,希望大家珍惜呢d咁有heart既師父,大家互相尊重。另外傾開師父其他牌子都會盡做,但係都係以卡片上果幾隻牌子為最主要,所以其他牌子如果做唔到希望大家見諒。當師父換個條手柄果陣我係從內心笑左出來,因為以為個喼就咁就玩完,估唔到香港仲有地方係咁有heart同熱誠去幫你做維修,係度我真係要多謝blog主同樓上咁多位,當然仲有師父,希望大家好好愛錫個喼。
謝謝你回覆!!
我懐疑對上個message係師傳寫上去的,我唔肯定資料係堅定流,請留意一至四修理只做上午,如果有人要找師傅,記得打電話去確認一下先,以免摸門釘。
rain說…
call師父同whatsapp 師父都冇回應,
有冇人知師父仲有冇做或者有冇邊度仲有整Elle行李箱?
THX
匿名說…
剛剛去了,還有得維修。
正如上文所講,林師父的確係勁正。

維修營業時間改了。資料如下。
星期一至四 : 9:00am-1:00pm
星期五-六 : 9:00am - 5:00pm
星期五- 六午膳時間 : 1:00pm - 2:00pm
公眾假期休息。

最安全做法係維修前先打電話上去問左先,confirm 林師父有開工。
電話沒有變到。
都係 :24088785 / WhatsApp No. 56169849
感謝提供資料,我把咭片上的營業時間手動更新了。
匿名說…
昨天打了很多次電話都沒有人應,有人知道林師傅是否還在修理喼嗎?
匿名說…
有人聽,但whatsapp單剔,個職員話無可能,佢哋如常操作到。另外師傅唔係日日喺度,要喺佢話師傅喺度嘅日子再打電話上去問吓先。eg.佢話師傅星期二喺度,你就要星期二嗰日再打去問有無得整。好難約。
匿名說…
我都whatsapp左問了, 本來單剔, 以為停用了, 第日睇變雙剔不過無Read, 一直沒有覆....直至前兩天覆了我話可以向邊日上去咁, 原來大家都係三年後可以去旅遊但個喼爛了, 我係頂部同側邊的手把斷了, 出了門才爛所以上飛機時好麻煩, 本想買個新的算了, 但我呢個ELLE 只是三年前買用過一次, 上網見另一間維修喼的師傅說因為一直放向到唔用會氧化, 所以有好多客人要維修, 咁我都擔心如果再買, 出面百貨公司的存貨都係向倉放左三年.....XD
原來而家師傅咁難約,咁大家要俾d耐性等佢回覆了。
匿名說…
更新一下, 我尋日成功上去維修了個兩個把手, 我下午兩點多上到去, 已經有差不多廿人向到等XD 而且陸續都仲有人上來, 佢可以即日拎或三日內拎, 我選擇即日拎不過個職員話都要等幾耐下, 所以我比了錢拎了單就走了, 大約個半鐘佢就打來話可以拎得, 把手雖然唔多顏色選擇, 同我本身個粉紅色完全唔襯 XDD, 但起碼都可以用住先, 再爛先換個新的了.

我係whatsapp問完佢叫我尋日13號上去的, 聽聞師傅只有星期二先向到, 不過各位有需要都最好問清楚, 祝大家順利出發 :)
多謝你既更新,祝你旅途愉快。
匿名說…
感激有這篇文章,令我成功於這個星期二更換4個轆。
我早於幾個星期前whatsapp創通。雖然他們不是覆得很快但都很有禮貌。之前一月由於他們沒有零件所以叫我農曆年過後才上去。我當天11:30am 到達,當時已大約有十幾人在現場坐着等,場面貌似壽司郎。我放下了喼付了款先離開去食午䬷,大約一個半鐘之後就收到他們來電告知換轆已完成。我1:30pm 再上去攞喼,雖然是午飯時間但都有其他職員幫忙。現在換轆的價錢是每個八十元,仍然很合理。
多謝你既更新,祝你旅途愉快。
匿名說…
請問林師父仍然只在星期二才在維修處?
我也不清楚,建議你直接Whatsapp師傅。

此網誌的熱門文章

轉換行車線心得