架車電池用咗三年，近來死死地，架車放係度唔郁兩星期，就無電撻唔到車，唯有落街買新汽車電池，洗咗950元。
汽車電池 「古河D26L」FURUKAWA Battery Hidash LYDEN
作者： holidaydriver | 發佈日期：2022-05-04 | 更新日期：2023-09-15
 |
| 古河 D26L 汽車電池 |
 |
| 古河 D26L 汽車電池安裝在車內情況 |
我架日本車 Lexus ES300 一向用開一款日本電池，叫「古河D26L」。
平時換電池多數在街邊汽車電池舖，找師傅落手去換，自己買電池換都算係第一次。
我知道汽車電池極之沉重，有成17kg，所以帶埋手拉車落去搬。
 |
| 汽車電池極之沉重，有成17kg |
 |
| 古河汽車電池未開箱前的包裝盒 |
包裝盒和電池殼上都無寫出廠日期，唔知幾時製造，只有寫
Made in Japan。
 |
| 包裝盒頂部日文 |
 |
| 包裝盒正面 |
包裝盒的設計是四面都可以用手撕開，令人很容易可以拿出電池。
 |
| 包裝盒四面都可以用手撕開 |
---ads
---
 |
| 古河汽車電池 正面 (HIDASH LYDEN) |
頂蓋上面有六個可扭開的瓶蓋，可打開檢查電池水的狀況。電池舖師傅一開始跟我講，這款古河D26L正常「唔使加電池水」，因為裡面已經是原廠配方的電解液，亂加其他水會混入雜質，影響電池表現同壽命。我信咗佢好耐，但後來發現唔可以完全盡信。
傳統鉛酸電池不可不加水
原來這種有蓋能打開檢查的電池，不是完全免維護的密封電池。香港潮濕悶熱，塞車又多，本身電池水已容易令蒸發，加上電池充電時，水份又會慢慢蒸發，電池內的水位會隨著長期使用而降低，原本浸在水中的銀灰色電極板，因為缺水就會暴露於空氣，電極就會容易氧化、硫化，造成電池失效。
我試過一次完全唔加水，結果電池內水位掉到太低，電極外露，造成電池無電撻不著車。我即時截的士借用過江龍撻返著架車，以為只係無電，點知返抵家中第二朝又撻唔著。於是我去附近汽車電池舖求救，師傅話而家有一種像尿袋，叫做救車寶的手提裝置，可以用來救車，唔洗再好似以前咁，將粒電池和過江龍搬來搬去。
我拎住師傅借畀我的救車寶返去，成功撻著架車並返回電池舖。點知師傅一睇車上電池，佢話粒電池水位掉到太低，電極板已經死咗救唔返。佢話即使我昨晚補返滿水，死咗的電極板根本充唔到電，所以第二朝又撻唔著。
呢個教訓令我明白：即使係「原廠配方」，定期檢查水位同補蒸餾水都係必要，唔可以完全放下電池不理！
 |
| D26L 上蓋,可打開檢查電池水的狀況 |
第一次見到包裝盒，看來電池水早已在電池裡面，並非到開盒才加水入去。水裡面浸住一層層帶銀色和白色構造的電極，像紙張的樣子。
據電池舖老闆講，佢話以前賣的電池，的確是水還水，電還電咁樣從日本運過來，到咗舖頭才在後欄注入電池水。但現在不用這樣做，電池出貨時本身已入好水，並已經有電在電池裡面。
 |
| 電池水早已在電池裡面 |
電極本身呈波浪形，有一些條狀紋理在上面。兩端正負極水位是偏低的，跟對上一次換的新電狀態差不多，我仲以為新電池本身缺水。
電池出廠電壓，實測充電及漏電表現
用萬用錶測量電池電壓，電池剛從盒拿出時，本身已有12.5V 在裡面。
 |
| 電池本身已有12.5V在裡面 |
用《Monfara 汽車電池充電機》替電池充電，今次充電比較快，唔洗半日就完成充電，比舊電池充電快很多。原來電池老化，電量減少，但充電時間反而更長。
 |
| Monfara 汽車電池充電機 |
 |
| 電池充電中 |
充電4分鐘後，電池已半滿，因為電池本身帶有電量。
 |
| 電池已半滿 |
充電4個半鐘頭後，電池已全滿，電壓由原本 12.5V 提升至 13.9V，整個充電過程只充了11AH電量入去電池內。
 |
| 電池已全滿 |
電池放置在廁所門口，廁所已開抽氣扇，把充電產生的硫黃味吸走。我利用充電機背後的風扇把電池發出的異味吹散。電池在充電期間只是微微地暖，不算熱。
 |
| 充電機及電池充電狀況 |
 |
| 電池充電後，實測電壓有 13.15V |
充完電隔咗兩日後，電壓由實測 13.15V 回落到
12.82V。
 |
| 電池放兩天後有12.8V |
這個新電池的漏電速度很低，放置兩個月後，電壓只是再下跌 0.4V 至12.4V 左右。代表電池在日本出廠時，可能已充飽電，到達我手上時仍是12.5V，十分接近我閒置兩個月後的電壓。
留言