懷念越棧湯粉專門店

越式生牛肉湯河

以前逢親前往上水、大埔、沙田和香港仔，都一定會去越棧食野，因為佢地既越南湯粉大碗得黎又唔太貴，加埋杯特飲和坊間難以吃到的超美味炸蝦餅，就感到十分滿足。

我仲記得第一次去越棧，剛好係一間公司第一日返工，班新同事帶咗我去沙田既越棧吃午飯，當時見到餐廳環境舒適，餐牌野食種類繁多，價錢又唔貴，野又幾好食，自此就鍾意咗越棧。

------------------------Advertisement

------------------------

超美味的炸蝦餅，大件，好味，爽口又彈牙，十分鍾意食。加上炸蒜、香蔥和甜酸醬，真係十分惹味，一食難忘。即使而家去錦麗和越北，都無呢樣野食，我可以封佢地呢味餸，係獨步天下第一。

超美味炸蝦餅，大件，好味爽口又彈牙，十分鍾意食

香茅豬扒配以香蔥，也是十分美味

越棧本來有很多分店遍佈全港，很容易就揾到，但唔知點解突然間所有分店全部消失晒，想食都無得食。而家只係剩返幾間在偏遠地區，都好難再去幫襯了，因此專程寫這篇文，用來懷念一下這家曾經是自己十分喜歡的餐廳。

越棧太和分店

作者： holidaydriver

發佈日期：2023-11-27
更新日期：2023-12-08

holidaydriver