再見謝記魚蛋！香港最強魚蛋粉與金黃炸魚片，一代經典就此消失

「香港仔謝記魚蛋要光榮結業!? 」，咁大鑊 !! 我第一眼見到這則新聞，真係好唔開心。

作者: holidaydriver | 發佈日期: 2012-02-22 | 更新日期: 2023-11-30

謝記魚蛋的魚蛋窩米是我的至愛，大碗又香，足料，魚蛋大大粒，一碗有七粒，再加上爽口彈牙的炸魚片，味道真係天下無敵。它那個味道，依然深深印在腦海裡。

謝記魚蛋，魚蛋窩米

(圖片來源: 明報)

我最鍾意食既謝記魚蛋粉突然宣佈要光榮結業，我感到好傷心...因為我自中學一年級起，由一個問爸媽拿零用錢的小朋友開始食謝記，到了二十幾年後能自給自足，有車有樓的成年人，謝記一直陪伴我成長，一起走過許多人生路。吃一碗謝記，算是我人生中佔有一個極之重要地位的心願，滿足過去日本食拉麵。

我講過，萬一有一天我要離開這個世界，臨走前唯一最想食，就係謝記的魚蛋粉。

點知佢而家竟然走先過我，咁點算呀，我臨走前食乜野好呀...到了2026年我仍未找到替代品。

真係走都走得唔咁心囉。

又脆又好味的腐皮卷，令人懷念

喜愛的什會窩米

我知近幾年謝記魚蛋的原有味道的確減少了，那種質感及深層次的原素是消失咗，應該係製造魚蛋所需的原材料消失或減少咗。我唔想講謝記是做差咗，即使少了味道，謝記依然好過其他品牌店好多。

而且今時今日這個經濟利益掛師的社會裡，仲有無人肯為一顆魚蛋去花心思和氣力呢。

就好似其他人對謝記魚蛋的評論，不論謝記怎努力，它著重於食物質素的精神，似乎再也不容易獲得時下追求食裝修、食性價比、食服務的一般食客讚賞。

一般食客唔知謝記魚蛋以前有幾好，只有像我這種由細食到大的粉絲才會明白在廚房裡面，奔波勞碌咗幾十年的一班阿姐同師傅，眼中全是一流專業廚師出來魚蛋有幾極品。

她們半生為了一碗精美白滑彈牙的魚蛋，及煙韌爽口的國寶級金黄炸魚片而努力，是我最敬佩的幕後英雄。

謝記魚蛋的炸魚片是唯一我會成舊拎住當鷄脾咁咬的極品佳餚，又暖又彈又多肉汁的炸魚片，食一世再下一世都想再食的東西，若然以後都無得食，真係人生一大遺憾可惜。

俾我揀，我寧願以後唔食日本拉麵，都希望謝記魚蛋能夠千秋萬代，永垂不朽。

既然知道謝記臨別在即，我立即由北區前往香港仔，向店主的魚蛋粉作最後致敬。

下午三時許趕抵現場，只見一大群手揸相機的人將謝記門口包圍，連門口對出的馬路也封掉，以為有明星追訪或者爆咗大新聞，身旁的人紛紛議論那班人係唔係記者，但咁嘅日子，有大明星趕來作最後致敬也不出奇。

謝記魚蛋店門外

入到去所有野都無變，人依然迫滿晒要等位。店主大人猛嗌：「今日乜都賣晒喇，你地唔好再排隊等喇...」

可是門口人龍依然死守不肯離去，令店主大嘆無奈。心諗畀著我都會賴死唔走，看來店長這個月最好改為24小時營業，才能滿足所有粉絲難捨之情。

後欄的師傅卻急忙生產那令我唾涏三尺的金黄炸魚片，將最後一盤彈藥都搬到店主手上，分給門外守候的那群熱情粉絲。

我早已預期今日無可能吃到這味極品，幸好魚蛋仍是有得吃，只是欠了炸魚片，原來會有種很大的失落感。

今天見到很久沒見的男店長，難得他親自招呼我，真係好少有。我會永遠記住謝記，I wish they will be back !!。

在香港仔舊大街的謝記魚蛋店

好多美味的食物一代一代咁消失咗，我覺得人生存在於世上，最開心係可以食到好美味既食物。不論食物係甜酸苦辣，食到好東西人人都會開心，無野比食物更能令人得到確實難忘，而且可以重覆回味的一種快樂。

香港仔著名的「山窿謝記魚蛋」已於 2012 年 3 月 31 日正式結業。

本文標籤：
香港美食生活分享