西門子洗衣乾衣機 WD14S4B5BU (黑色飛頂版) 開箱
經歷多次DIY維修，使用咗12年的西門子洗衣乾衣機 WD12D460HK，最近因為有幾樣野壞咗，例如乾衣F18、水泵響和避震彈跳，無辦法再DIY維修下去，決定花5329元購買一台全新的黑色飛頂版，西門子洗衣乾衣機 WD14S4B5BU，解決了煩惱。
PS2 遊戲「Gran Turismo 4」- Nürburgring 最快紀錄 6'14"
PS2 遊戲「Gran Turismo 4」- Nürburgring 最快紀錄 6'14"
紐堡林北側跑道全長20.8公里，等如由粉嶺去到大圍咁遠，它彎多路窄兼起伏不定，是歷來最具挑戰性，最考技術，最考車輛性能及調較，最考車手記性和耐力，「最最最」令我著迷的一條賽車跑道。
這條跑道在星期六、日會開放給公眾人仕入場，只要自己有車，俾24歐元(2011年價)就可以親自揸架車入去「走返一轉」，一嘗落場嘅滋味。我希望有機會再出差往德國時，就租架車入去跑返轉。
所以我花很長時間在PS2 GT4這個遊戲先苦練一番，操熟跑道的每個彎角，再掌握每處的速度極限與車輛性能，再到 YouTube 看別人拍下的實際賽道景況加以比較，以備多一點經驗，入去才玩得開心，起碼唔會咁「阻街」。
所以我花很長時間在PS2 GT4這個遊戲先苦練一番，操熟跑道的每個彎角，再掌握每處的速度極限與車輛性能，再到 YouTube 看別人拍下的實際賽道景況加以比較，以備多一點經驗，入去才玩得開心，起碼唔會咁「阻街」。
由於賽道十分長，一次過沒可能把它彎角記熟，所以我將它分為三段來練習。
第一段在山下，第二段是上山，第三段是落山，各有各的難度，挑戰和危險。可以大炒、飛出跑道的路段很多，人和車都要有很好性能才可以安全抵達終點。
一部車只要能克服紐堡林，在街上走肯定易過食生菜，所以寶馬、波子、日產戰神都會用紐堡林試車，提升車子應付不同路面的高速性能。
以下這條片我拍低了許久，老古董了，最近才懂得壓縮上載到 YouTube。
---Advertisement
---
這條片是我花了長時間測試、練習、調較的 Benz CLK-GTR 勒芒怪獸，導演(我) NG 了無數次才拍得成的。
最難是一邊要創最快圈速，一邊要保持賽車一直受控，沒有碰撞等水皮嘢...
但依然有一次蝦碌上了草地，速度拖慢了少許，但無計了...已經是拍到最好的個人最佳紀錄。
Benz CLK-GTR personal best record : 6'14.824
Gran Turismo 4今集多咗好多新車加入遊戲， 有歐洲車 BMW，Benz 。今期可以揸寶馬M3， 仲可以勁改。舊款波子911今期用RUF改裝車形式出現，林寶堅尼以改裝 Diablo 形式出現， 正廠車沒有出現。法拉利則完全未現身。
有咗歐洲車，日本車吸引力無咁大，畢竟之前幾代Gran Turismo 只得日本車玩，玩到有少許厭倦。
今期日本車有凌志 Altezza 和 SC430，另有 3000cc 嘅 ARISTO， 可以用作基準。
VW 方面有01年BORA，V6 2791cc SOHC 4WD， 馬力 204ps/ 6200rpm，27.49kgfm/ 3200rpm，車重 1540kg， 性能應較細佬架真車 BORA 2.3 V5 FF 好。
 |
| 凌志 3000cc 嘅 ARISTO |
 |
| VW 01年BORA，V6 2791cc SOHC 4WD |
實際操練， Aristo 馬力有280匹， 直路有相當優勢， 不要以為佢斯斯文文唔劈得， 佢係彎入面好好操控。
反而 Bora 車身短小精悍本應好砌，但揸起來感覺車身十分笨重，起圍好弱，車頭好墜，轉彎能力因此受影響，揸住佢追唔到 Aristo， 好吃力才勉強不讓它在彎入面俾人放甩。當我開我弟弟的真 Bora 時，也有同樣車頭好墜，起圍弱的感覺。
反而貴得來評價又差嘅豪華開蓬跑車01年款 V8 凌志 SC430， 試車結果最快。佢操控性近似Aristo， 感覺好易揸， 唔會點樣甩頭甩尾， 馬力達 305ps， 扭力 47.83kgfm，所以時間最快。
出名的本田飛仔車 Integra DC5， 原裝車只得210匹馬力， 揸起嚟不見得佢快， 彎角也不見得特別出色， 追Aristo 都追到氣咳，相信Integra 要改裝過先有出色性能。
BMW Mini cooper S 揸起來真係好有跑車 feel， 彎角操控性很好， 循跡性強， 轉彎非常容易， 迴旋半徑細。唯車仔馬力唔大，原裝車只得160ps，點追都追唔到 Integra DC5。
我在「Gran Turismo 4」 的第一輛車是96年 Skyline R33 GT-R Vspec N1，280匹，改裝之後已輕易贏取很多賽事。今期的 「Gran Turismo 4」開始能夠替愛車裝上 GT尾翼，除可令愛車的觀感大大提昇，還可增加車子高速時的下壓性能。
 |
| 96年 Skyline R33 GT-R Vspec N1 |
自從 Gran Turismo 3 加入大陝谷，意大利小鎮風情，日本和紐約街景後，Gran Turismo 4 更上一層樓，城市景觀進一步加強真實感，並加入了韓國首爾，香港尖東夜景和法國地中海風情。
 |
| Bora 在尖沙咀街景 另外還有一條新的船長岩賽道，這條賽道有一段有白色灰塵的直路和起落十分大的山坡。船長岩 (El Capitan) 位於美國加州 Yosemite 國家公園內，是世界上最大的花崗岩，高3000呎，吸引不少遊客和攀山人仕 (原來白色座山係真架)。 |
 |
| 船長岩賽道 |
今次 Gran Turismo 4 的主題是日產 Fairlady，勝利的贈品有兩部Fairlady 是勁改落場版。
兩部Fairlady 之中，以這部紅色Fairlady Z LM (Z33) 02' 性能最好。
 |
| Fairlady Z LM (Z33) 02' |
 |
| Fairlady Z LM (Z33) 02' |
另一部落場版Nissan MOTUL Pitwork Z (JGTC) 04’ 戰車，操控性一樣好，只是它馬力較低485ps及75 kgfm，揸起來唔夠勁，甚少用它落場。
除咗車靚之外，GT4 內的風景、樹木、圍欄和建築物質感都非常精緻，完全係誠意之作。
除咗車靚之外，GT4 內的風景、樹木、圍欄和建築物質感都非常精緻，完全係誠意之作。
 |
| Nissan MOTUL Pitwork Z (JGTC) 04’ |
 |
| Nissan MOTUL Pitwork Z (JGTC) 04’ |
日本車賽玩得咁上下，轉去參加歐洲車賽。錢唔係好多，頂盡只夠買寶馬 M3 CSL 03’ (E46)。
僅有的灰色限量版M3 CSL ，產量少於1400部，主要為落場而設計，較普通版M3輕，車頂改用碳纖，19吋軨，大尾翼，大入風口，無音响，無冷氣，賽車桶櫈，sequential手排。
僅有的灰色限量版M3 CSL ，產量少於1400部，主要為落場而設計，較普通版M3輕，車頂改用碳纖，19吋軨，大尾翼，大入風口，無音响，無冷氣，賽車桶櫈，sequential手排。
其直六引擎，3246cc，無增壓裝置，未改前可有360hp。
 |
| BMW M3 CSL 03’ (E46) |
在歐洲汽車賽，對手非常之強，閒閒地五六百匹嘅 Benz SL500，SL600，仲有507ps 嘅新款寶馬 M5，為了令馬力較弱嘅 M3 戰勝這些大馬力異獸，只有盡改引擎，最盡可改到421ps/7900rpm，43.68kgfm，與五百匹鬥仍差很遠。
---Advertisement
---
盡偷輕，最低改到1177kg，其他配套全部改晒之後，勉強能夠戰勝少改的M5，以它的操控性對街車來說已經非常無敵。
還有只推出了10輛，擁有V8 引擎的寶馬 M3 GTR，更加是為了賽車而製造，不單止勁貴，就算有錢都買唔到。
 |
| BMW M3 GTR |
昨晚第一次參加德國 DTM 房車賽， 首次面對平治 CLK-GTR 這輛扁平的銀色超級怪獸， 領教過它的厲害。即使我用一輛98年落場版平治 190E 2.3 16v 改到588匹加埋氮氣加速， 依然俾佢放到無影無踪…要擊敗佢， 看來要揾返部一樣扁平的碳纖怪獸。
 |
| BENZ CLK-GTR |
在彎多路窄的市區，190E 完全無辦法可以追近 CLK-GTR。起步不久， 不出五六個彎已被放離大半條直路，每逢出彎後，CLK-GTR 發揮強大加速力，瞬間便拋離很遠。
面對著 CLK-GTR，190E 只有在大彎和多直路的賽道，利用高波段和氮氣加速，才可以追過CLK-GTR，其他多彎賽道無得鬥，始終只得 2490cc，扭力唔夠大，加速力唔夠。
後來在另一場比賽贏了一架00年落場版 Benz CLK 回來，這架車有成四千幾cc，加速力比 190E強，而且操控性更佳，隨便加個Turbo 便能夠打敗CLK-GTR。
一如所料，比賽勝利獎品就是CLK-GTR，原來佢有5987cc V8， 成八百幾匹咁勁， 怪不得追佢唔到。
揸住又肥又矮嘅 CLK-GTR 去紐堡林試車， 以為一定造到好成績， 點知不論怎樣調較， 都無辦法令架車貼地。
這架車形態又肥又扁，理論上應該好貼地，可能因為太過肥大， 車身平衡不好或者其他原因， 轉彎非常笨重， 很容易甩出跑道。
極高速飛馳時， 在路面凹凸起伏的紐堡林變得非常危險， 即使定風翼壓到最低， 車身仍不穩定， 循跡性極差， 一踩brake 車身很易典，跟著就失控…
CLK-GTR 設計只適合在平坦跑道操作。
CLK-GTR 加埋Turbo 有過千匹馬力，但跑來跑去， 仍是6分33秒， 比六百多匹的Nissan Fairlady Z LM快不到多少。
那輛 Fairlady Z LM setting 實在太好， 在紐堡林飛馳很穩定， 貼地性好， 轉彎快又準。
另一部用作考超級牌照的平治 C9 Silverarrow， 車身較細和輕， 在紐倫堡一樣有極佳操控性， 這部車肯定較 CLK-GTR 優勝。
---Advertisement
---
獲得CLK-GTR 以為天下無敵， 錯了。為了在中級比賽過關， 參加了Gran Turismo World Championship。參賽的車輛全都是超過八百匹， 極速超過360公里以上， 加速力和貼路性能超卓的勒芒賽車。
它們馬力未必足以跟改到1040匹的 CLK-GTR 匹敵，但它們彎路操控性超強，而且跑10個圈都唔洗換軩，非常難以對付。不論怎樣去調較， CLK-GTR 後轆只三四個圈便失去戰鬥力，在第四個圈已近乎報銷，無法維持帶頭的位置，更莫論有空閒入pit 換軩。要過關， 必須另找一部車。
參加船長岩66圈200公里賽， 贏取下圖豐田萬能達 88C-V 89' 勒芒賽車。
這架性能嫓美 Benz C9 賽車， 威力大大超越 CLK-GTR， 加速能力瘋狂， 彎角性能超貼地， 感覺尤如軌道賽車。
它只是V8 3169cc，馬力卻高達 937ps/ 8000rpm， 扭力 94.06kgfm/ 5000rpm，車重850kg， 極速可超越385公里。
它只是V8 3169cc，馬力卻高達 937ps/ 8000rpm， 扭力 94.06kgfm/ 5000rpm，車重850kg， 極速可超越385公里。
終於Gran Turismo 4爆機， 爆機片段很簡單， 就是以直升機拍攝一輛Fairlady 在紐堡林北側賽道行駛的實際情況。說明創作組很重視這條長達二十公里的賽道， 它比其他傳統賽道好玩。
這輛車加速快， 極速高， 開賽不久即放到無雷公咁遠， 落後咗好難追到佢。
唔知點解佢可以飛馳 8至10個圈先需要換呔， 真係好難對付，我架 Toyota Minolta 4至6個圈就要入pit 換呔， 遇著十幾個圈嘅賽事， 我入兩三次 pit 佢先入一次， 所以十場賽事我未能完全打敗佢。
這輛車V8 5400cc 1130kg， 馬力約有610匹左右， 不算快但操控很好， 只是感覺到有少許笨重， 美國車大概就是這樣。
這輛Ford GT 一向都好易揸， 不過佢出場通常都在 Game後期， 大概美國人視 Ford 為國寶。
今期這輛不是傳統藍橙間條， 而是白色拉花 LM 落場版。
用許多其他車到紐堡林測試， 其中原裝車組有 BMW M3 GTR， 林寶 Diablo， 波子RGT， Aristo及 VW Bora (原裝車指無改裝過)。 另外勁改車組有 BMW M3 CSL和 R33 Skyline。
今期這輛不是傳統藍橙間條， 而是白色拉花 LM 落場版。
---Advertisement
---
用許多其他車到紐堡林測試， 其中原裝車組有 BMW M3 GTR， 林寶 Diablo， 波子RGT， Aristo及 VW Bora (原裝車指無改裝過)。 另外勁改車組有 BMW M3 CSL和 R33 Skyline。
論最好揸， 係勁改四百幾匹嘅 BMW M3 CSL， 由於佢實在太好揸， 今晚用佢去進行紐堡林四小時耐力賽。開賽後一小時跑了九個圈， 最快圈速7分23秒68，已經揸到上咗身， 連紐堡林後段的彎角也操熟了。(這個紀錄之後都破唔番。)
另一輛最好揸嘅分別係 BMW M3 GTR 03' 和波子RGT， 尤其厘部少改四百幾匹嘅 RR波子， 在紐堡林仍相當靈活， 圈速分別是8'07.933及 7'49.155。
擁有五百多匹的 Nissan Skyline R33 GTR N1， 即使有四驅， 在多彎的紐堡林不見得有著數， 笨重的車身反而不及M3 CSL靈活， 收油要早兼落重迫力先掟到彎， 無咗四驅應有的優勢， 圈速只得 7'41.562， 僅快過波子7秒。
最惡搞， 炒車炒到暈嘅林寶寶 Diablo， 成六百幾匹， 今次測試中唯一可以去到300公里的跑車， 難以想像條軩咁濶， 貼路性能差到震， 開佢出街若果唔留住力， 肯定炒大鑊。在紐堡林揸佢要猛咁落 Brake， 攞軚要柔， 六百幾匹都無乜用， 只得直路快，轉唔到彎， 圈速只有8'13.717， 出奇地慢。
好舒服嘅 Toyota Aristo， 車速相對其他跑車慢得多， 但落 Brake 位即使同賽車一樣， 收車一樣收得妥貼。看來車的設計就是這樣， 只是車速快和慢的分別， 制動距離大致差不多。揸Aristo 去紐堡林劈， 用唔盡條跑道， 無乜賽車feel， 可以舒服走完一圈， 時間8'49.785。
VW Bora 即使改咗電腦， 一樣唔好力， 沿途踩盡油都唔覺危險， 無壓力懶洋洋， 一圈時間超過9分鐘。
數超級跑車， 冠軍暫時由豐田萬能達 88C-V 89' 奪得， 打破六分鐘， 造出5'58.731， 但上山落山速度勁瘋狂，現實中即使唔怕死都未必做得到，仲要標住汗先開得到咁快。
跟住係 Fairlady Z Concept LM， 以其優越操控性造出 6'33.019， 相對難度不高。
再落係BMW麥拿侖F1 GTR 97'， 時間6'41.260， 佢係 V12 5995cc， 馬力大但較難揸得快。
其實耐力賽唔算係鬥車， 我這部 M3 CSL 同級已無乜電腦AI 對手， 比賽末段已超前AI 對手兩個圈以上。最快圈速7分23秒68 是在深夜造出， 平均 7分35秒可以完成一圈包埋換呔， 已經非常快，有時 揸車由屋企樓下起步至離開粉嶺都唔止十分鐘。
努力地駕駛平治CLK-GTR 在紐堡林嘗試擦新紀錄， 可恨這部車的設定不知那裏出了問題， 中途遇著飛起， 踩上草地， 輕微剎車的時候， 它會突然失去控制然後狂撞路邊鉄欄， 安全問題很大，我一直猜想到底那裏出錯。
直至今天我終於破解這個疑團，原來這部 CLK-GTR 本身設計比其他車離地更加低矮， 我再把它 low 低後車底其實差不多貼地， 因此遇著剎車、上膊、 飛起， 車底會刮到地面， 令車呔咬地力忽然大減， 失去循跡能力， 然後失去控制… 我把車身調高，操控性才回復應有狀態。
因此在紐堡林飛車， 不能low 得太低， 而且避震要調軟少少，這樣操控才會好。終於以七百多 PS馬力造出一個合格的成績 6'14.824， 是目前紐堡林第二最快紀錄…
另外， 我又買咗兩部新車， 一部02年 Nissan Fairlady Z ST， 一部02年 Nissan Skyline 350GT-8， 今期日產真係出咗新車， 難怪Gran Turismo 4 用咗 Fairlady 做主角。
試咗馬力達 280PS嘅 Fairlady， 發覺尾驅好易控制， 跟同樣 280PS 嘅02年掃帚佬 Impreze WRX 02' 拍跳， 頭段竟沒有被掃帚佬放甩， 只尾段山路多彎才讓掃帚佬越放越遠， 成績 7'42.615。
跟住我又試咗03年原裝 M3 GTR (392PS)， 只需7'18.907便跑完一圈， 快過勁改嘅 M3 CSL (421PS)。
說到萬衆期待， 街上開始多見的 Skyline 350GT-8， 除了車頭設計似一部家庭車多過似戰神外， 性能更嚇人一跳， 看來戰神已經變身成 Cefilo。好寧靜嘅駕駛， 好緩慢嘅波箱， 勁慢嘅成績 7'54.086， 簡直嚇坏普羅車迷。
買咗架03年英國雅士頓馬田 DB9， 占士邦都係揸佢， 成456PS， 好想睇吓佢究竟有幾厲害。
可惜試出來成績很差， 7'53.414才跑完一圈， 連280PS 嘅淑女都可以放到佢無影無蹤， 慢到完全不合邏輯。
佢加速都算快， 但剎車好差， 彎角要好早收，留住力才不會失控， 抓地力明顯較弱， 性格很似平治CLK-GTR。這部二世祖 DB9， 在街上連露筍也鬥唔過， 真係得個樣。
我覺得奇怪，於是再試 M3 CSL一次， 發覺佢除咗較 GTR快少少外， 操控不及專為落場而設的 M3 GTR， 結果M3 CSL多次調較後， 只能快多兩秒， 時間7'15.596。
---Advertisement
---
2007-06-24 ...晚上網搜尋， 發現了紐堡林的現實 Ring Lap 紀錄。
頭兩位紀錄保持者是保時捷956， 最快圈速6分11秒， 較Gran Turismo 4裏面示範車手揸的平治銀箭C6 慢。在Gran Turismo 4內要攞金盃， 標準成績要5分47秒。
在網頁見到有人用豐田萬能達88C-V 造出4分44秒驚人紀錄， 真係誇得緊要。
紐堡林車場在入口售票處設有Webcam， 24小時接上internet供全世界人隨時觀察入口有甚麼勁車在排隊入場。
望了半小時， 看不到有超跑， 最叻見過拉花新款 BMW 五系， 其他車勁普通， 連七人車都揸入去玩。在公司駁上紐堡林webcam， 見到跑道上面佈滿車輛， 多部貌似法拉利的跑車揭起了尾蓋在透涼。
紐堡林星期六日開放俾市民揸車入去玩， 無車款或車速限制。
佢有分tourist drive 和 lap drive 兩種， 後者係收費較貴嘅計時賽， 通常意外較多，車場不建議 tourist 進行計時賽，而且入得賽車場，無保險賠亦無得追究責任。
如想到車場走返轉，詳情可到以下車場網頁了解 。
Tourist Rides Nürburgring 2014
Echo 棍波 1.5RS 在紐堡林跑 9' 21秒， 好慢。在紐堡林咁窄嘅跑道， 以Echo 嘅速度， 真係覺得架車比較細小。過彎 Echo 雖然比大車快但無用， 紐堡林有段好長嘅上山路段， Echo 明顯乏力衝上山， 只可說是慢溜上斜。
掃帚佬 B4 未改前要跑成 9分幾鐘， 改咗吸震筒即刻上到 8' 54，所以改避震對彎道穩定性有肯定作用。
Echo 棍波 1.5RS 在紐堡林跑 9' 21秒， 好慢。在紐堡林咁窄嘅跑道， 以Echo 嘅速度， 真係覺得架車比較細小。過彎 Echo 雖然比大車快但無用， 紐堡林有段好長嘅上山路段， Echo 明顯乏力衝上山， 只可說是慢溜上斜。
掃帚佬 B4 未改前要跑成 9分幾鐘， 改咗吸震筒即刻上到 8' 54，所以改避震對彎道穩定性有肯定作用。
買了一台02' Honda Accord Euro-R， 原裝只換電腦， 跑 8'55。
另外一部 03' Accord Coupe EX V6(US)， 原裝無改 234ps， 跑得比 Euro-R 和 B4 更快， 造8'46。依此估計，我自己台3000cc 日本車 Lexus ES300 大概跑 8分尾， 9分頭左右。
BMW 330i 跑 8'44， 05年 VW Golf V GTI 200PS跑 8'57。
睇完所有片後， 可以說差不多親身去過該處一樣。這條路很窄， 賽電單車是夠闊， 但賽私家車爬頭卻很考功夫了。
下午揾到幾個飛車片段， 最有賽車feel 係藍色 Radial SR8， 佢係一架單座位賽車， 配備賽車軚環， sequential 波箱，看車手動作對該跑道很熟悉， Ring lap 6'55"， 曾經是世界第二最快紀錄， 很多日常可見的車都在 8，9分鐘左右才跑完一圈。
細心觀察那條跑道， 睇多幾次， 發覺佢同 GT4內的跑道很近似， 除了實際行車速度比較慢，GT4 的賽車很多彎也不用收油， 而現實中所見，專業車手很多彎都收油， 所以現實Ring lap 才及不上 GT4 的時間。
 |
| 圖片來源: BMW |
原來在webcam見到的拉花寶馬， 是一輛叫Ring Taxi，號稱地球上最快的Taxi， 只需195歐元(約港幣2126元! 2011年價) 便可坐它在紐堡林跑一圈。
咪見佢叫 Taxi 就以為佢流， 首先佢係一架寶馬 M5， 馬力507PS 達到怪獸級， 再由冠軍女賽車手Sabine Schmitz 充當司机， 見到那些乘客掟彎時大呼小叫， 相信刺激過坐過山車。
印象中舊紀錄是先用掃帚佬 Impreza WRX STI Spec C '04 鬥贏 EVO 8 ghost car，再用 EVO8 企圖鬥返贏掃帚佬 ghost car 而做出 7'33" 這時間。
當時掃帚佬 馬力較大輕鬆帶頭， 為了不被放甩， 露筍要 keep 住轉數去過彎， 甚至借助落山的衝力， 盡量少 brake，可惜鬥到最後始終無法追近馬力稍大的掃帚佬， 露筍保持7分33秒這紀錄已經很快。
作者: holidaydriver
發佈日期: 2007/03/10
作者: holidaydriver
發佈日期: 2007/03/10
更新日期: 2021-11-10
此網誌的熱門文章
ELLE 行李箱維修
諗住去旅行，點知個 ELLE 行李箱四個滑輪軟膠部份完全破爛，無法在地上拖行，需找代理搶修更換輪子。 在網上尋找這家 Elle 維修中心地址並不容易，花了近半小時左找右找，終於在留言中找到。
Fishing Planet (釣魚星球) - 入門經驗分享，完全免費的釣魚遊戲，可連線與朋友一起享受釣魚樂趣
一款網上旱見，完全免費，不用課金都可以玩到上頂級的遊戲 Fishing Planet (釣魚星球)，吸引我和朋友一起玩了很多個晝夜。我玩了一千小時達到了 Level 50， 我朋友更沉迷，他玩了三千小時，達到 Level 80。 (遊戲目前上限也是Level 80) 。
應付「無理解僱」心得 - 勞工處/勞資審裁處 填寫「口供」技巧，勝算分析與戰略
有網友遇到「無理解僱」，想我幫手解答一下關於 「申索過程」 和 「勝算方面」 問題。 我有機會瞭解過幾位網友的遭遇，想把經驗在這裡同大家分享。
泊 L 位心得
邊種位大家應為難泊的呢?? 當然 S 位 最難泊 ， S 位仲最易撞添，有人泊 S 位 真係聽聲停(撞到先停)，親眼見過先知原來有人咁變態。
留言